Sabtu, 17 Februari 2024
Sabtu, 25 November 2023
Pura Desa Adat Nyuh Kukuh
Pura Desa Adat Nyuh Kukuh puniki sampun manut kadi ketatwaning tata titi sang anangun Khayangan minekadi tri khayangan utawi khayangan tiga sane ketah pinaka sarat ring sajeroning nangun Desa Adat ring Bali puniki. Pura puniki magenah nepek ring tepining catus pata, sakemawon mangkin sampun tan kapikanten malih catus pata rehning margine wantah kantun tigang lajur. Manut pidartan para panglingsir Desa Adat Nyuh Kukuh yata kocap sane riyin marga tiga punika wantah Catus Pata sadaweg kantun wenten Desa Toyapakeh, sadwaning Desa Toyapakeh punika sayan sue sumingkin ngirangin kraman ipun, punika mahawinan Desa Toyapakeh kraman ipun raris kagapukang ring Desa Ped wastu mangkin puniki Banjar Nyuh sane sampun dados Desa Adat Nyuh Kukuh ma Desa Dinas ring Desa Ped.
Kawiyaktiannyane Pura Desa puniki wantah Pura Desa Toyapakeh duke riyin sadurungnyane Banjar Nyuh kegapukang ring Desa Ped, riantukang Batan Nyuh pinaka salih sinunggil Banjar ring Desa Toyapakeh sane ngawidangin makudang kudang Banjar inggih punika wenten Banjar Gebang, Banjar Sublang, Banjar Dalem, Banjar Teba, Banjar Batan Nyuh, raris kegapukang kraman ipun dados asiki kewastanin Banjar Nyuh sane mangkin sampun dados Desa Adat Nyuh Kukuh, mawastu Pura Desa Toyapakeh kaempon lan kaupira pinaka antuk Krama Banjar Nyuh/Desa Adat Nyuh Kukuh pinaka waris wit Desa Toyapakeh.
Pura Desa Adat Nyuh Kukuh taler madue palaba Pura minekadi tanah pekarangan sane mangkin sampun aepahan dados padruen Krama sangkaning katumbas, sane aepahan wenten kaselang antuk krama kaanggen pekarangan Paumahan lan wenten keanggen pekarangan Sekolah Dasar 3 Ped sane sampun magingsir ke tanah Pemerintah Provinsi Bali.
Kadi asapunika sida kasinahang indik kawentenan Pura Desa Adat Nyuh Kukuh puniki.
Search
Desa Adat Nyuh Kukuh
Go To Nusapenida?
Popular Posts
-
Pura Desa Adat Nyuh Kukuh Dalam rangka pelaksanaan Odalan Nadi tahun 2022 di Pura Desa Segara Kukuh Desa Adat Nyuh Kukuh, Desa Ped, Kecamat...
-
Gambar ini diambil dalam rangka menjelang Piodal di Pura Taman Bias Mentig Terlihat di gambar Pondasi Panyeng...
-
AWIG2 DESA PAKRAMAN NYUH KUKUH NUSA PENIDA KLUNGKUNG BALI PRATHAMAS SARGAH ARAN LAN WAWIDANGAN DESA Pawos 1. 1. Pinaka larapan...
-
Pemugaran Pura Puseh Desa Adat Nyuh Kukuh di Mulai Tahun 2024 Mulai Ngerapuh Tgl 17 April 2024 Ngeruwak Dasar/Pondasi Pelinggih Tgl 23 Apri...
-
Br Nyuh Sekilas Om Swastyastu Desa Pakraman Nyuh Kukuh yang terletak di sebuah Pulau yang terkenal dengan tingkat kekeringannya yai...
-
Om Swastyastu rahajeng rawuh ring Blog Desa Adat Nyuh Kukuh. Awighnam astu . Iki caritha kandhaning usana Pulo Nusa, Nga., hana n...
-
Paiketan Krama Istri (PAKIS) Desa Adat Nyuh Kukuh. Dalam rangka HUT PAKIS Bali tahun 2023 Copda. Ibu Gubernur Ketua Pakis Bali Lokasi: Want...
-
Pura Desa Adat Nyuh Kukuh puniki sampun manut kadi ketatwaning tata titi sang anangun Khayangan minekadi tri khayangan utawi khayangan tiga ...
-
MURDA CITTA Om Swastyastu, Om Awighnam astu namo siddam. Malarapan saking panghyangin Ida Sanghyang Widi wasa Asung waranugrah...